page suivante »
285 LA R E V U E LYONNAISE
leuments d'icelluy estre, faire les réparacions suffisantes au dict hospital, telles
que seront advisées, par les dicts procureurs et eschevins, selon ce que les reve-
nus pourront supporter; et de tout sera tenu de rendre compte, et le reliqua au
bon plaisir de Monseigneur le Duc; appelles les dicts eschevins à la reddition des
dicts comptes, s'il est le- bon plaisir de Monseigneur.
Item, au regard de la chambre du dict hospital, en laquel les dicts sieurs
échevins ont accoustumé de retraire les tiltres de la dicte ville, tenir leur con-
seil et toutes autres affaires, les dicts échevins en userontcomme ils ont accous-
tumé, s'il est le bon plaisir de mon. dict seigneur, comme dessus :
Item, touchant le gouvernement et administration de la Maladerie, le dict pro-
cureur des pauvres et ses successeurs en auront le gouvernement et administra-
tion et y mettront et lecteront les dicts ladres estrangiers, à ce appelés les dicts
eschevins et à leur consentement, moyennant auculne somme d'argent que se
pourront par les dits ladres au dict procureur, et selon la faculté de leurs biens,
pour emploier es réparations nécessaires d'icelle Maladerie ; et, sur ce faict, le
dict procureur, les dictes réparations nécessaires, sera faict advis par ces dits
procureur et échevins, en sera tenu de rendre compte comme dessus.
Item, a esté pleus advisé, quand il adviendra dorénavant que ung des habitants
de la dicte ville sera infect de la maladie de lèpre, et vouldra aller demeurer et
se rendre en la dite maladerie, qu'il y soit receu sans ce qu'il soit contrainct de
bailler ou donner, pour ladite entrée et entretenement, aulcune somme d'argent et
aultre chose s'il ne luy plaict, comme a esté accoustumé.
Item, touchant l'aumosne appellée Charité, le dict procureur et ses successeurs
tiendront et gouverneront les denyers et qu'ils en feront la dicte aumosne chacun
an, le jour accoustumé, ou de deux à troys ans ou autrement selon ce que s'élè-
vera et se pourra estendre la valeur pour fere la dicte aumosne, dont rendra
compte le dict procureur, comme dessus.
Item, touchant les, etc. (Il est dit que les procédures et mauvais propos
échangés précédemment restent nuls).
Factes et dictés à Villefranche, au jardin de l'ostel de la cure d'icelle ville»
le jeudi après le dimanche de Miséricordia, quinzième jour du moys d'avril, l'an
de grâce mil quatre cens cinquante et six; présents nobles'et vénérables per-
sonnes messire Huguet Baudet, bachelier en droct, doyen de l'esglise collégiale;
.Pierre, de la Bruyère escuyer seigneur du dict lieu, discrette personne, messire
Verand Bertaut, curé de Lacena ; Anthoine Chevalier, curé de Beligny, et Vincent
Flaudy curé de Gleizé, habitant dicelle ville et Jehan Bonefois, serviteur du sei-'
gneur de la Bostie témoins ici présans et appelles.
(Archives hospitalières, IVe fonds Roncevaux).