page suivante »
— 62 —
estrangers. Or combien que chascun se doiue estudier à la conseruation
dudit art, & d'oster & réséquer tous obstacles, qui luy peuuent nuyre, toute-
fois nous auons esté aduertis, que la cherté du papier & la difficulté qu'il y a
aux Compagnons Imprimeurs, & Ã leur satisfaire de viures, gaiges & salai-
res, & les tenir en deuoir, apportent telle incommodité, que partie des
Libraires qui vouloient faire leur Imprimerie en nostre ville de Lyon, sont
contraincts faire imprimer hors nostre Royaume la meilleure partie de leurs
Hures, puis soubs vne première feuille qu'ils font faire auec leur nom &
marque, les vendent, & à meilleur marché que s'ils estoient imprimez en
nostre Royaume, transportans par conséquent le gain, que nos subiects
deuroient receuoir à estrangers... Pour ausquels inconuenients & abus
obuier, & contenir lesdits Compagnons Imprimeurs, & autres ausquels
laditte Imprimerie touche, en debuoir, ont esté dressez certains Articles :
l'entretenement desquels a esté requis par nostre Procureur en nostre séné-
chaussée de Lyon, & depuis par les Conseillers & Escheuins de ladite ville...
Sçavoir faisons... par Edict perpétuel... ordonnons ce qui s'ensuit.
PREMIÈREMENT, QUE les Compagnons & apprentis de Testât de l'Impri-
merie n'ayant à faire aucun serment, monopoles, & n'auoir aucun Capitaine
entre eulx, Lieutenant, Chefs de bandes, ou autres, ne bânieres ou ensei-
gne, ne se assembler hors les maisons et poilles de leurs Maistres ne ailleurs
en plus grand nombre de cinq, sans congé et authorité de Iustice, sur peine
d'estre emprisonnez, banniz & punits comme monopoleurs, ou condamnez
en aultres amendes arbitraires. II. ITEM Qv'iceulx Compagnons ne porte-
ront aucunes espees, poignards, ne bastons inuasibles es maisons de leurs
dicts Maistres en l'Imprimerie ne par la ville, & ne feront aucunes séditions
sur peine que dessus. III. ITEM QUE lesdits Maistres facent et puissent faire
et prendre autant d'apprëtis que bon leur semblera... Et que lesdits Com-
pagnons ne puissent battre ne menacer lesdits apprentis, ains les laisser
besongner à la volonté & discrétion de leurs Maistres... IV. ITEM. NE feront
aucune confrairie, ne célébrer Messe aux despens communs des dits Com-
pagnons & apprentis, ne pourront choisir ny auoir lieu particulier ne des-
tiné, ne exiger argent pour faire bourse commune, comme ils ont faict par