Pour une meilleure navigation sur le site, activez javascript.
page suivante »
330            LA REAUE LYONNAISE
       Lung a lautre pevent facilement dire
        Jay bien trouue ce que mon cueur désire
       Et aussi Dieu leur a monstre comment
       Il les ayme car véritablement
       Deulx sont produitz cinq princes triumphans
       Plaisans et beaulx légitimes enfans
       Nul mauuais fruit ne peut porter bon arbre
       Anthoine donc leur filz duc de Galabre
       Je puis dire le prince desperance
        Car en lacourt du noble roy de France
       A tel regnon quil ny a son semblable
       Tant est prudent bening et amyable
       Puis le seigneur Claude par nom clame
       En Lorraine loue prise famé
        Car le père nuyt et iour luy apprend
       A seruir Dieu et mesmement comprend
      .Auecques luy lexercice de guerre
      Bour succumber ses ennemys par terre
       Et de prendre désormais cure et soing
       De secourir ses amys au besoing
       Apres y est iehan euesque de Metz
       Que par raison au rang des saiges mectz
       Parfait il est en tous dons de nature
       Car de son père est propre pourtraicture
       Il est gentil beau doulx ingenieulx
       Loys aussi est plaisant et ioyeulx
       Fileul du roy de France quon espère
      Quil ensuivra son parrain et son père
      Francoys aussi encor au berceau est
      Mais quil soit grant si Dieu plaist sera prest
      De recevoir bonne introduction
      Tant quil sera vaisseau de élection
      Et grant pillier en nostre mère église
      Encor pourroit on faire la deuise
      Daucuns enfans qui leur sont trespassez
      Lesquelz estoient bien faitz et compassez
      Tant filz que filles qui sont sans contrediz
      Auec Dieu pour peupler paradis
      La ou devons selon raison prétendre
      Or me semble il que ie me puis mesprendre
      A raconter une vertu louable
      Que a la dame très noble et véritable
      Qui non obstant sa grande auctorite
      Sur toutes choses elle ayme vérité
      Et nappete lire choses mondaines
      Comme rommans ou folles amours vaines
      Voulant en suyure son espoux son seigneur
      Humble de cueur et deuot zélateur