page suivante »
/
ET DE JEHAN DE VAUZELLES
En telz habite David dict estre belle
Sa chère espouse et doulce coulombelle ;
Si faict saint Paul, nous priant doucement
Que nous soyons vestus honnestement
Pour comparer à ce jour qu'on verra
Celle beauté qui par mort nous viendra.
Or veillons donc comme la mère bonne,
Qui de bonne heure appreste et bien ordonne
Tout ce qu'il fault pour l'enfant advenir.
Ainsi, quand vient de mort le souvenir,
Appareillons ceste chemise blanche
D'une innocence et simplicité franche,
Le manteau bleu de ferme loyauté,
Un cierge ardant de vraye charité,
Un chapperon d'une saincte espérance,
Cotte de foy, un bissac de science
Et le bauldrier couvert de bon vouloir ;
Baston soit pris de diligent pouvoir •
Pour soustenir nostre esprit et nostre ame
Qui là es cieux doit venir royne et dame j
Allaictons nous de divines mammelles
Qu'aux sainctz escriptz se demonstrent tant belles.
Et s'il advient que par vice ou péché
Soit nostre corps souillé et entaché,
De l'eau tombant des yeulx de pénitence
Nous fault laver, puis en ferme fiance
Despriserons ce tant dangereux vivre
Et aurons fain l'autre vie poursuyvre,
Afin que puis, Ã l'enfanter de mort,
Chascun de nous renaisce sans remort,
Comme les sainctz qu'ainsi mourans nasquirent.
Et ceulx aussi telz appareils ne feirent
Sont tretous: mortz d'wne mofct étemelle,