page suivante »
14 LA CHAPELLE DE SAINT-ROCH A CHOUIANS d'avoir pitié et miséricorde de ce peuple Lyonnois, et lever sa main vengeresse de dessus luy, despuis lequel vœu ladite contagion cessa du tout, et a la santé de ladite ville tous- jours despuis esté, par la grâce de Dieu, très bonne; mais, d'autant que par les empeschemens des troubles qui sont despuis survenus, ce voeu n'a pu estre exécuté jusqu'à présent; « Ce jourd'huy, dernier jour du mois de mars mil cinq cent quatre vingt et ung, par la délibération du conseil d'estat tenu près la personne dudit seigneur de Mandelot et luy insistant à ce, a esté faicte procession generalle de tous les ordres et estats de ladite ville, où presque tout le peuple a assisté, laquelle est sortye de la grande église de Sainct Jehan, et de là , passant par la porte Sainct George, est montée sur un petit coteau de vignes, des deppendanees du prieur de Sainct Herigny, lequel coteau est par dessus la vigne de Sainct Nizier, et tout vis à vis de l'hospital de Sainct Laurens et de la fontaine de Choulan, où ont esté faictes les fondations ou premiers projets de ladite chappelle, la première pierre de laquelle a esté ce jour posée par mond. seigneur de Mandelot, officiant M. Jacques Mestret, de l'ordre des Carmes, évesque de Damas, suffragant de l'Eglise de Lvon, tout le clergé de ladite ville v assistant et psalmodiant, et après ce, est ladicte procession montée a Sainct Just, et de là descendue à ladite église de Sainct Jehan, où la grand messe a esté dévotement célébrée, devant toutesfoys laquelle a esté faicte une très saincte exhortation au peuple de se convertir à Dieu et distraire de ses peschez, par frère Jehan Croissant, docteur en théologie de l'ordre de Sainct Dominique ( i ) ». ( i ) Arch. de la ville de Lyon, actxs consulaires, série BB, n° 106; Iuvent. sommaire, t. I, fol. 55.