page suivante »
TABLE DE CLAUDE. 35 d'or sol vallant aufeur dexlj sols tournois pièce, auquel pris ilz ont a présentcuors, cxviij1 xvjs tournois, pour payement de deux grandes tables d'arein ou métail anticques et toutes escri- ptes, lesquelles puis quatre moys il a trouvées en faisant myner une sienne vigne enlaCouste Saint-Sébastien, et les- quelles nous avons achaptées de luy pour autant qu'avons trouvé que ce sont anliquailles aussi belles qui guieres se treuvent el qu'elles sont dignes d'estre retirées pour estre affigees en quelque lyeu a perpétuelle mémoire, mesmement que en icelles il y a parolles servans à congnoistre l'ancienne dignité de ceste ville. Actendu aussi qu'il ne sauroit estre grande despence à icelle, veu que le métail que poyse vje xxxi, vault a fondre xxxij ou xxxiiij escuz. Quoy voyant et que les gens savans en puissent avoir la lecture, que sera grande consolation aux gens de nostre ville quant ilz verront ung certain tesmoignaige de la dignité de leurs majeurs et servi- ra d'exemple a vertu pour incitation des dits majeurs et, d'a- vantaige, sera grand honneur à toute la ville. A ceste cause et pour autres bonnes considérations a plain contenues aux actes du Consulat de ce jourduy , a esté or- donné les retirer et achapter, moyennant aussi que le dit Roland promectra, comme jà il a promis, en faisant le mar- ché, que s'il recouvre les pièces en tout ou partie que par rupture sont distraictes d'icelles tables, il les nous dellivrera en recevant tant seullement la valleur du métail a l'extime commune. Et que si nous voulions faire sercher les dits res- tes au fond où ont esté trouvées les dites tables, nous le pour- rons faire à noz despens en desdommageant le dit Roland, si aucun dommaige il supportoit pour la dite serche. Et laquelle somme de cxviij1 xvjs vous sera allouée en voz comptes, dé- duicte et rabatue en vostre recepte par les auditeurs d'iceulx esquelz nous mandons ainsi le faire sans difficulté, en im- portant ces présentes et quictance souffisant. — Donné en