page suivante »
348 LA VALBONE.
rinstaurer au lieu où iadis elle estoit. Le Rosne, en fin se
ioignant avec la Saône vers la place de Confort, et y cou-
rant d'vne impétuosité merueilleuse excita aussi vn merueil-
leux effroy et crainte à vn chacun, et donna occasion à plu-
sieurs qui se tenoyent asseurez de craindre et de se douter
de quelque chose sinistre et prodigieuse. Et à dire vray, les
maisons pleines, l'eau violente par tout, et tousiours
croissant, les basteaux courans par la ville, ne predisoyent
rien de bon. Ceux qui voyoyent quelques ruines faites par
l'eau, crainoyent qu'autant ne leur en aduint, et tel voyait
son voysin en peine, qui n'en esperoit gueres moins. Au
reste, le lundy sur les trois heures après la minuict (selon
l'aduis d'vn chacun) les eaux commençant à descroistre, et
le Rosne à abbaisser sa fureur, les rues à se vuider, les
maisons aux champs à apparoistre, la terre à se descouurir,
les arbres à se monstrer, la pitié ni la misère ne fut gueres
moindre qu'alors que la violence de l'eau regnoit. Bien il est
vray que chacun se resiouissoit, pour ee voir hors de
danger, pour se voir deliuré de telle inondation : mais Testât
auquel toutes choses estoyent, frisoit aucunement souuenir
du déluge qui escheut du temps de Noë. Car alors, les eaux
abbaissées, la terre estoit toute déserte, sans habitans, sans
bestail, hormis ce qui estoit en l'arche : i'en diray presque
autant estre aduenu au païs ou ce déluge a exercé sa furie.
« Premièrement od ne pouuoit iuger que estoyent deue-
nus vn infinité d'hommes, femmes et petits enfans, habi-
tans dudit plat païs, si l'eau les auoit emportez, si les mai-
sons tombées sur eux, accablez : dauantage on ne voyoit
que ruine, ou bien petite apparence de maisons, ou peu
auparauant il y auoit eu beau bourg ou village : place
nette, ou nagueres métairie, ou quelque bel édifice : lieu
plein de bourbe, ou beaux près : lieu desgarni d'arbres, qui
en estoit bien fourni : places remplies de toutes immondices
qui peu auparauant seruoyent d'esbat à vn chascun : Helas
ceux qui couroyent pour tascher à sauuer quelque peu de
leur bien, et ne trouuant que lieu vuide, n'eussent-ils fait