page suivante »
146
vne damoiselle d'excellente beaulté danser en vn bal, en fut
incontinent transporté et rauy si loing hors de soy mesme,
que oncques puis il ne se trouua en ceruelle, et lui rongea
ceste pensée le cœur si auant, qu'il se tourna en toutes les
espèces qu'il peut, pour paruenir à ce qu'il prélendoit. Mais
parce que la damoiselle estoit sage et chaste, et au reste de
grande maison , et regardée de tant d'yeulx, et enuironnee
de tant de gardes, que le galand se trouuoit bien loing de
son compte, dont luy croissoit l'amour, d'autant que son des-
seing touchoit plus à l'impossible, de manière que de fol
deuint enragé, et se donna tout en proie au diable par l'ins-
tigation duquel il s'acoste d'un fameux necromantien (qui
deia auoit fait en celle ville d'Italie des expériences de pro-
digieux effectz) etl'importuna tant par argent que par prières,
qu'il tira de luy une promesse de moyenner ce qu'il préten-
dait , mais la promesse estoit difficile à faire, comme les
promesses du diable ont tousiours vne queue, car le magicien
luy dit: Seigneur, retirés vous en voslre logis, et demain
matin sur les quatre heures, la dame ne fauldra d'aller hur-
ter à l'huys de vostre chambre : mais sur tant que vous aimés
voslre vie, de la dame et de moy, gardés vous bien de vous
endormira telle heure, car si vous vous oubliés de tant,
asseurés-vous que la dame mourra à votre huys sans appel,
remède , ny remission, car le sort le porte ainsi. Le gentil-
homme dict qu'il se garderait bien de tel inconuenient, et
que martel qu'il avait en teste l'empescheroit bien de dor-
mir ; lendemain ne faillit la damoiselle charmée d'aller hur-
ter à l'huys de la chambre du gentilhomme. Mais de malheur
il adtiint comme le necromantien auoit predict, car s'estant
endormy ce ieune homme, la fille tomba soudainement toute
roide morte à l'huys de la chambre ; luy enfin s'estant esueillé,
courut à l'huys de sa chambre où il voit ce corps mort, et
ne fault point demander quel esloit, ou plus marry, ou plus
estonné, ou plus perplex et esperdu. Car il ne sçauoit que
ce corps pourrait deuenir, et ne peut mieulx faire que de
V