page suivante »
258 HÔPITAL DE HA QUARANTAINE. tant pour le faict de la garde et entrée des cireonvoisins que pour estre hommes suffisants pour faire les trettes et passepots pour ceulx de ceste ville de Villefranche et aultres non venans de lieulx suspects et dangere.ux; aussi de mettre des notables à chascune porte avec soin de recognoistre ceulx qui se présentent aux dictes portes pour voir leurs billets et passepots et certifficats. - Laquelle assemblée a esté criée à son de trompe par les carrefors de ceste ville par le trompette juré de .la dicte ville. A esté ordonné, sur la requeste des gens du roy, et pour adviser à la contagion, que deffenses seront faictes à tous de laisser aller aulcuns pourceaulx(l) dans la ville, aussi de tenir les rues nettes chascun à l'endroit de sa maison, tant la Grand-rue que les rues traverses, et de ne jeter aulcun immondice; et que déifenses seront aussi faictes à tous les habitants estant en garde, de ne laisser entrer aulcune personne, de quelle condition ou calité que soit, venant de Lyon, suspect de la contagion; ou aulcunes autres personnes suivant le grand chemin, qu'il n'apporte la lettre certifficat de la dicte commission de santé du lieu dont ils seront partis. Et quant aux foreins et estrangiers venant devers Lyon, qu'il aye passeport bon et suffisant requis. Et encore de ne lasser entrer aulcun paouvre, mendiant et aultres courreurs estrangiers. Et seulement néanmoins, ceulx du pays de Bombes et Bresse, ne sont compris en la dicte ordonnance, et ensemble que seront recogneus vrayment ne venir de lieulx suspects et dangereulx. Et ordonne, pour l'exécution des dictes ordonnances, à tous manans et habitans de ceste ville, de faire la garde en per- sonne, suivant ce qu'il en sera commandé, sinon qu'ils (1) Dans quelques villes, il était de plus ordonné à tous les habitants de se défaire de leurs chiens et de leurs chats en les mettant hors des murs, ainsi que les pigeons et les lapins, si mieux ils n'aimaient les faire tuer.