page suivante »
388 NOTRE-DAME-DE-LYON ville,aux coustz et despens des dits priffacteurs et ne pourront fonder lesdites pilles sans la présence et existance de deux desdits S" conseilliers qui leur seront nommez, leur voyeur de ladite ville Me Ollyvier Roland et Pierre Banchet, m" mas- sons de ladite ville, ou aultres m" massons qui seront esleuz par lesdits S" conseilliers, et lequel pont en sa longueur de neuf arcs, iceulx priffacteurs seront tenuz faire et parfaire de. pierre roupte appellée millasse, sauf les masses qui seront faictes de pierre roupte et dure en bonne et souffisante mas- sonnerie de pierre, chaulx et sable ou gravier, sans en tout ledit pont estre tenu y mectre ne poser aucune pierre de taille, s'il n'est pour faire les sièges qui porteront les cen- tres sur lesquelz seront faictz lesdits neuf arcs dudit pont, lesquelz sièges portant lesdits ceintres lesdits priffaicteurs seront tenuz faire des pierres appeliez cadettes et y em- ployer toutes les pierres de cadettes appertenantz à ladite ville et communaulté ; et si icelles pierres cadettes apperte- nans à ladite ville et communaulté et estans soubz ledit pont ne souffisoient à faire et parfaire lesdits sièges, ilz seront tenuz en fournir à leurs despens, et ou y soufnroit et en res- teroit, iceulx sièges faicts et parfaictz, elles seront et apper- tiendront à ladite ville et comunaulté ; lesquels arcs et pilles seront faictz et parfaicts par lesdits priffacteurs comme dessus est dict et suyvant la forme et portraict faict par Me Olivier Roland, ingenyeur du roy, homys les poinctes des derniers arcs suyvant les articles dessus escriptz; les- quels portraiz signés par ledit Me Olyvier Roland et le notaire royal soubzsigné sont demeuré l'ung entre les mains desdits S" conseilliers et l'aultre entre les mains desdits priffacteurs pour les exhiber et présenter quant besoing sera et requis seroit, et lesquelz neuf arcs dudit pont seront faictz et par- faictz par lesdits priffacteurs assavoir le premier arc du cousté du dernier arc de pierre qui est présentement faict de l'estendue de soixante deux pieds de jour ; le second arc de quarante huict pieds de jour, le troysiesme de quarante piedz, le quatriesme de trente pieds, le cinquiesme de vingt piedz,