page suivante »
NOÎRE-DAME-DE-LYON 389 le sixiesme de dix huict pieds, le septiesme de seze piedz, le huictiesme de quatorze piedz, et le neufviesme de treze piedz de jour, le tout en sa rondeur ainsi et sellon que l'œuvre le requerra, de pierre roupte appellé.e raillasse, et aura ung chacun desdits arcs de voulte quatre pieds de roy d'espes- seur tout autour jusques à la clef, desquelz arcz et voulte dudit pont iceulx priffacteurs seront tenuz remplir et arraser les espaulles de bonne et souffisante massonnerie de pierre roupte, sable et chaulx jusques à l'haulteur des susdites clefs. Item après que lesdits arcs et pilles seron faictes et levées, seront tenuz et debvront lesdits priffacteurs faire ung mur sur lesdits arcz et pilles d'ung cousté et d'aultre tout au long d'icelluy pont de deux pieds d'hauteur et deux pieds d'es- pesseur pour retenir les terres et pavements qui seront f aitz sur ledit pont, sur lesquelz murs sera levé une muraille d'ung cousté et d'aultre dudit pont pour servir de parefoulz ou codieres de troys pieds d'haulteur et ung pied et demy d'es- pesseur,a creste par dessus et a dos d'asne. Item après avoir rendu lésdites voultes et arcs dudit pont arrasez de masson- nerie comme dessus, rempliront de terre et pavey de deux piedz d'espesseur jouxte le mur faict desdits deux piedz d'haulteur, faisant lequel pavey sur ledit pont seront tenuz iceulx priffacteurs faire les gargolles et rases pour vuyder les eaues pluvyalles et boues dans ledit Rosne à leurs des- pens. Lequel pont, en la forme manière et dessus spécifiées et déclarée, iceulx priffacteurs seront tenus rendre bien et deue- ment faict et parfaict de bonne et souffisante massonnerie, comme dessus est dict, a dicte des m" à - ce expertz et cognoissantz, dedans et par tout le moys d'aoust de l'année que l'on dira mil cinq cens soixante ung, et plustout, si leur est possible; et pour ce faire et durant ledit temps qu'ilz feront et parferont ledit pont de pierre, seront tenuz et deb- vront iceulx priffacteurs faire ung pont de boys fort et puys- sant pour passer les personnes tant a pied que a cheval, les charrettes et fardeaulx,comme ils font à présent pour la négo- ciation et trafflcq des marchans et marchandises, a leurs