page suivante »
NOTRE-DAME-DE-LYON 367
A MA SOUVERAINE DAME LA REYNE.
Ma Souveraine Dame, je me recommande à vous tant et
si humblement comme je puis plus, et vous plaise savoir,
ma Souveraine Dame, que le pont de la rivière de Rosne de
vostre cité de Lyon est en très-grant ruine, tant pour les
innondations des eaux et des glaces qui naguères ont mis le
pont à telle destruction, qu'il est en voye du tout aler a
ruyne, que autrement, si briefvement n'y est pourveu,
laquelle chose seroit en grant domaige de vostre ditte cité et
de vos pais de Viennois et du Dalphiné, et est impossible de
y pourveoir sans grande aide, laquelle ceulx de la ville ne
pourroient supporter ; et vous supplie, ma Souveraine Dame,
tant et très-humblement comme je puis plus, qu'il vous
plaise en pitié et en ausmône escripre à notre Saint-Père,
qu'il veuille donner un pardon aux biensfaicteurs qui feront
bien à l'euvre dudit pont, comme nostre Saint-Père Clément,
dont Dieu ait l'âme, donna au pareil cas, car lesdites glaces
en^ont destruy tout le nouvel ou la plus grande partie qu'avoit
esté fait des biens dudit pardon, et si ont y une partie du
du viel pont, et en ce faisant, ma Souveraine Dame, vous
ferez très-grant charité et aumosne, et moy et lesdits citiens
prierons Dieu pour vous. Ma Souveraine Dame, mandez-moy
et commandez tousjours vos bons plaisirs, lesquels je accom-
pliray à mon pouvoir, comme raison est et tenus y sui. Ma
Souveraine Dame, le Saint-Esprit, par sa sainte grâce,
vous doint très-bonne vie et longue. Escript à Lyon le qua-
torzième jour d'ottobre.
Votre très-humble orateur,
L'ARCEVESQUE DE LYON.