page suivante »
NOTRE-DAME-DE-LYON 387 seillers eschevyns de la ville et comunaulté de Lyon, les- quelz sachans et pour eulx et leurs successeurs conseillers eschevyns de ladite ville ont baillé et baillent à priffaict à M" Estienne Genyn et Claude Collet, m" charpentiers,.et Pierre Faure, me masson, habitans dudit Lyon, présens, et assavoir de faire et parfaire le pont de boys du pont du Rosne de ladite ville, despuys la dernière pille et arc ja faict de massonnerie jusques et contre les premyéres maisons du faulx bourg de la Guillotière, de tant que se comporte le pont de boys dudit pont du Rosne, contenant en longueur soixante troys toyses royalles ou envyron, et de contynuer de sem- blable largeur que ledit pont de pierre qui est à présent faict sur ledit Rosne, qui est de vingt troys pieds de roy de lar- geur comprins les codières et parefoulx, lequel pont a la longueur et largeur dessus mentionnez aura neuf arcs et neuf pilles, declinans iceulx arcs et pilles en la forme et manière cy après déclarée, assavoir que la première pille ja fondée, laquelle est descouverte plus prochaine et joi- gnant du dernier arc de pierre dudit pont sera et aura vingt trois pieds de roy de largeur et sera de l'espesseur qu'elle est de présent avec les deux poinctes ; la seconde pille tirant tousjours audit faulx bourg de la Guillotière sera de dix neuf pieds d'espesseur, et de la largeur que se trouvera estre né- cessaire pour rendre ledit pont de la largeur susdite, com- prins les pare foulz avec pointes; la troisiesme pille sera de dix neuf pieds d'espesseur et de la largeur susdite'sellon l'œuvre comme dessus et sans nulle poincte ; la quatriesme pille sera de treze pieds de largeur; la cinquiesme pille de unze pieds de largeur ; la sixiesme pille de dix pieds ; la septiesme de neuf piedz ; la huictiesme de huit piedz et la neufviesme de sept piedz d'espesseur, et le tout de la largeur dessus dite de vingt troys piedz de roy, comprins les codières et pare- foulz, icelles pilles faictes de massonnerie et sans nulle poincte; desquelles pilles, qui ne se trouveront fondées, les chavements et fondations seront faictes de la perfondeur qui sera neccessaire et par l'adviz des m" massons jurez de ladite