page suivante »
368 NOTRE-DAME-DE-LYON
A NOSTKE SAINT-PÈRE LE PAPE, MON TRÈS REDOUBTÉ
SEIGNEUR,
Très-Saint-Père, mon très-redoubté Seigneur, je me recom-
mande à Votre Sainteté tant humblement comme je puis, et
vous plaise savoir-, Très-Saint-Père, mon très-redoubté Sei-
gneur, que j'ay entendu que Monseigneur le roy, par ses
lettres, vous supplie et escript qu'il vous plaise renouveller
les indulgences pieça octroyées par feu de bonne mémoire
pape Clément dernier trespassé, que Dieu absoille, aux biens-
faicteurs qui cheritablement secourront à l'euvre et répara-
tion du pont situé sur le Rosne en la ville de Lyon, et pour
ce, Très-Saint-Père, mon très-redoubté Seigneur, que une
grant partie dudit pont,deux ans a, ou environ, par les innon-
dations des grandes eaux, naiges, gelées et autres fortunes
du temps rompy et chey en ladicte rivière, et l'autre partie
qui demoura est en telle ruyne et désolacion qu'il est en
adventure de cheoir du tout et aler à perdicion se briève-
ment n'y est mise provision, qui seroit dommage irréparable
pour mon dit seigneur et tout son royaume, attendu la
situacion de la dite ville, qui est situé entre deux rivières de
Soone et de Rosne, clef du royaulme es frontières et marches
de l'empire, et que les gens d'église, consuls, bourgeois et
habitans d'icelle ville, pour les grans charges qu'ils ont eu
et ont à supporter ne pourroient nullement, sans l'aide des
bonnes gens, ycellui pont réparer, ainsi qu'il en est besoing,
et aussi que je sai que mon dit seigneur a ceste chose très Ã
cœur; je vous supplie, ' Très-Saint-Père et très-redoubté
Seigneur, tant à certes que je plus puis, que pour honnetir
et révérence de Notre-Seigneur, honneur et contemplacion
de mondit Seigneur, pitié et compassion desdits habitans,
il vous plaise renouveller lesdittes indulgences, ainsi que
plus à plain mon dit Seigneur vous supplie et escript ; et eu