page suivante »
SCULPTEURS ET MEDAILLEURS 239
qu'inclinant à la supplication qui faicte Nous a esté par
Nostre amé Martin Hendricy, maistre sculpteur de Nostre
ville de Lyon, y demeurant, aagé de quarante-cinq ans ou
environ, faisant profession de la Religion catholique, apos-
tolique et romaine, contenant qu'il est né et natif de la
ville et pays du Liège et qu'estant venu en Nostre Royaume,
pays, terres et seigneuries de Nostre obéyssance despuis
plus de seize ans, travaillant par les villes de son art et
mestier, il s'est habitué en Nostre ville de Lyon, y a pris
femme il y a quelques quinze années, du mariage sont issus
nombre d'enfans, les uns vivans, les autres déceddés,
despuis peu sa femme seroit allée de vie à trépas, et comme
ledit Hendricy continue et faict tousiours fonction et exer-
cice de sondit art et mestier de sculpteur en Nostre ville
de Lyon, il désire y continuer le reste de ses iours et y
vivre avec sa famille s'il Nous plaist luy octroyer Nos lettres
nécessaires. A ces causes Nous avons audit Hendricy permis,
octroyé et accordé, permettons, octroyons et accordons,
voulons et Nous plaist de Nos grâces spécialles, plaine puis-
sance et auctorité royalle, par ces présentes signées de
Nostre main qu'il puisse résider et continuer son habitation
en Nostre ville de Lyon, et ailleurs de Nostre Royaume,
pays, terres et seigneuries de Nostre obéyssance que bon luy
semblera et y acquérir tous biens meubles et immeubles
qu'jl advisera pour en jouir ensemble de ceus qu'jl peut
avoir acquis et qu'jl luy pourrait appartenir...
« Donné à Paris au mois de may Tan de grâce 1659, et
de Nostre règne le xvije.
« Signé : Louis (6). »
(6) Archives du Rhône, C. 181, f°» 101 et 102; C. 467, f" 102.