page suivante »
390 NOTRE-DAME-DE-LYON propres coustz et despens et jusques a ce que le passaige public se puysse faire sur lesdits arcs et pont que auront faictz lesdits priffacteurs, lesquels auront et prendront tous les marrains,tant boys que pierre roupte et murailles qui sont a présent et se trouveront soûls ledit pont de boys et en la grange de la ville joignant ledit pont de boys et en la place, pour iceulx boys, tant vieulx que neuf,et pierre roupte, faire et disposer comme de leur propre chose pour la manu- facture dudit pont et pour en faire et disposer a leur plaisir et voulenté ; auront, tiendront et posséderont ladite grange appertenant à ladite ville et comunaulté pour en iccelle retirer leurs ouvrages et ouvriers et aultrement faire comme de leur propre habitation, durant le temps qu'ilz feront et parferont ledit pont, comme dessus est dict, et jusques à ung an après ladicte œuvre faicte et parfaicte, sans en payer aulcun louage ; et est permys ausdits priffacteurs de faire tirer a leurs despens des pierres rouptes pour employer audit pont tant qu'il leur en sera besoing et nécessaire, soit des vieulx murs estant sur les fossés de la Lenterne ou aux per- rieres de Terrailles,qui jadis furent de Fourrier, sans contre- dict ny empeschement et sans faire tort a personne et usurper sur aultruy, ny abattre et desmolir les deux tours estans sur lesdits fossez de la Lenterne ; et prendront et tireront de la sable a eulx nécessaire pour faire la massonnerie dudit pont es fonds et places appertenantz a ladite ville et comunaulté les plus propres et eomodes qu'ilz pourront trouver, sans disco- moder le bien d'aultruy, ny les plessieres, ny le pont et pilles dudit pont du Rosne; et pour la conduyte desdits pierres, sable et chauls et aultres estoffes neccessaires pour cette œuvre sera loysible et pourront lesdits priffacteurs faire ung chemyn de la largeur deux charretes allans et venans dans le brotteaul appertenant à ladite ville et communaulté de Lyon, despuys le Rosne ou descendront les bapteaux amenantz lesdites den- rées, jusques a la brassière qui est au-dessus dudit pont, sur laquelle brassière sera loysible auxdits priffacteurs faire ung pont de boys a leur voulenté et a leurs despens, perilz et