page suivante »
BERENGER DE LA TOUR
En mon seing ? Non, quelqu'un la pourroit voir :
Au coffre ? Moins, que scay je, pourroit estre
Que tomberait es mains d'un amy traislre
Et Ion ne peut les vrays amis scavoir :
De la brusler, et boire après la cendre,
Je voudroy bien à ce point condescendre :
Mais quelle flamme entreprendrait cecy ?
Puis qu'eschappée est des yeux de ma Toute
Dont le regard en mon cœur le feu boute
D'un beaucoup moindre, eschaperoit aussy.
ENCORE D'ELLE
Va, laquais, va au grand chemin t'assoir
Qui droict s'estend vers ma douce cruelle,
Va, et plustost que n'entendre rien d'elle
Demeure là du matin, jusque au soir :
Et si tu peux quelque bon ange voir,
Qui de ses faicts, tant soit peu te revelle,
Conduy le moy, car c'est bien la nouvelle
Qu'au monde plus je désire scavoir :
Mais si par là tu ne peux rien apprendre,
Sus délibère encore un coup te rendre
Là où elle est : Je n'ay autre soucy
Que d'appaiser l'ennuy de son absence,
Et par rapports, et par lettres aussi,
Tromper mes yeux d'une saincte présence.
A L. J O U B E R T , DOCTEUR MÉDECIN.
Voicy (Joubert) comme le temps se passe,
Seul m'entretien, seul parle, et seul m'escoute,
Seul les plaisirs de mes pensers je gouste,
Seul me pourmeine en bien petit espace ;