page suivante »
DE LA VILLE DE COXDRIEU 201 de Daulphiné que de Viuareis, s'estans logés près de Vienne, pensans d'y entrer par le moien du chasteau de Pipet, que tenoit a la deuotion dudit Sr de Maugiron, ce que n'ayant peu executter il amena touttes lesdites trouppes assiéger cette ville qui fut baptuë par quatre gros canons qu'ilz auiont amené de Vallance. Hz abatirent vne tour apellée de la Valette qu'estoit au coing de la ville, du cousté venant du port, firent vne grande bresche, don- narent assault général et entrarent dans ladite ville qu'ilz pilliarent entièrement, rompirent tous les meubles et emportarent tout ce qu'ilz peurent charrier, avec l'ayde des peisans d'Ampuis et de Daulphiné, qui pilliet comme les soldatz. Les habitans hommes et femmes se retirarent dans le chasteau et vieulx fort apellé le Hault de Ville, avec le Sr de Villars quy commandoit, et enuiron soixante soldatz estran- giers que Monsieur de Cheurieres auoit emuoié de Vienne. Lesdits ennemis ayant demeuré deux jours entiers dans ladite ville et faulxbourgs et faict quelque contenance de dresser leur baterie contre ledit chasteau et Hault de ville, se retirarent, craigniant le.renfort qui estoit arriué dans Vienne, venu de Grenoble et lieulx circonuoisins conduietz par les seigneurs dudict pays de Daulphiné qui teniont le parti des catholicques vois, passarent lesdits canons delà le Rhosne, de peur de les perdre, lesditz habitans retirés audit fort du Hault de Ville, jecterent le feu par dessus les murailles et firent brusler touttes les maisons qui estiont autour desdites murailles et plusieurs autres. Que fust vne grande ruïne et perte aux particuliers à quy elles apper- tenaient.