page suivante »
GÉNÉALOGIE DES COMTES DE VINTÉMILLE, 433 avec son confesseur un recueil de toute sa vie passée et receu de luy sa saincte bénédiction. Elle ne prenoit plai- sir pendant quinze iours qu'elle fut reduicte au lict qu'à entretenir les gens d'esglise qui la visitoient souvent et de divers Ordres, prenant un extresme contentement de les ouyr discourir des choses divines et du royaume céleste, sans appréhension quelconque de la mort. Aussi avoit-elle esté tousiours infiniment charitable, aumolniere, crain- tive d'offencer Dieu et tresdevote à la Vierge, quell'as- seura de voir accompagnée des anges, quasi en mourant, ayant la parole tousiours ferme,, le iugement tresbon jus- 'ques au dernier soupir, finissant sa vie entre les bras d'un nommé frère Paulin cappuchin, que l'on tenoit estre sainct homme et avoir des grandes révélations de la Vierge, et du révérend père Michel, supérieur des révé- rends pères de l'oratoire de Jésus, homme de tresgrande pieté, doctrine et saincte vie, qui asseura n'avoir iamais veu, non plus que ledit frère Paulin, mourir personne plus en la grâce de Dieu, et parainsi croire que son ame estoit allée droict au lieu de repos, où elle priera Dieu pour ses progeniteurs et chères sœurs, qui ne pouvoient en leur indicible affliction recevoir une plus grande con- solation que celle-là . Pendant sa maladie elle fit vœu que s'il plaisoit à sa divine Bonté de luy renvoyer sa santé par les prières et intercessions du glorieux sainct François, qu'elle porteroit un an la robe et habit du dit sainct, au- quel elle avoit comme au bien heureux sainct Bernard, une très particulière dévotion. Estant morte, l'on l'habilla du dit habit, le visage descouvert, les pieds nuds et les mains ioinctes, entre lesquelles l'on luy mit un petit crucifix. Plus de vjngt mille personnes luy furent donner de l'eau be- niste, comme aussi les princes et princesses et toute la noblesse îuy firent ce mesme honneur, qui asseurerent