page suivante »
DE LA VILLE DE CONDRIEU 35 I
honnorables Philippes Berengier, Fleury Chomet, Claude
Mayod, Estienne Baudrand, Estienne Chinallier, appoti-
caire, et Jehan Chappoton, conseilliers dud. Coindrieu, eulx
faisans fort pour les aultres habitans dudit Coindrieu, d'une
part; et Jehan Beaudrand, dict Vert, charpentier dud.
Coindrieu, d'aultres parties. »
Celui-ci expose « qu'il a vne maison au lien des Granges
en ceste ville de Coindrieu, qui est joignante le portai des
Granges et aux murs de la ville dudit Coindrieu, du cousté
du leuant, et que pour latuission ( n ) de ladite ville et pour
la commodité, s'il plaisoit ausd. consulz et habitans, il voul-
droit faire et ediffier vne tour sur le mur de ladite ville, auec
les cannonnières nécessaires et aux conditions qu'il leur
plaira.
« Laquelle requeste lesdits consul ou chastelain luy
auroyent accordé, ayant esté sur le lieu et faict deue Visi-
tation. Et y estant encoures, a esté accordé et permis audit
Baudrand faire et ediffier ladite tourt, en et sur les murs de
ladite ville de Coindrieu, auprès le portai desdites Granges
du cousté des terraulx. Laquelle tour aura de largeur, par
dehors lesdicts murs et murailhes de ladicte ville, troys pas
d'home raysonnables, la murailhe de lad. tour, y compris
laquelle tour, sera ronde et la fera de l'aulteur nécessaire,
la murailhe de laquelle tour sera despuis la fondation
jusques au milhieu de deux pied d'homme d'espesseur, et
despuis le milhieu jusques en hault d'vng pied et demy
d'homme ; laquelle tour il sera tenu faire de l'aulteur pour
le moingtz jusques à la syme de la muraille ou mur de
ladite ville, et plus si bon luy semble ; laquelle tour il sera
( u ) Tuition, défense.