page suivante »
352 LES COMPTES ET LA CHRONIQ.UE tenu bien et deuement couurir, et après l'entretenir recou- uerte bien et deuement et perpétuellement, tant que en sera maîstre et seigneur et en icelle faire toutes cannon- nières nécessaires, tant en bas estaiges que aultres, à la forme et ainsi que luy sera monstre et commandé par les consulz dudict Condrieu, lesquels en faisant ladite tour il sera tenu appeller, pour assister à la construction d'icelle et commander lesdites cannonnières. Item sera permis aussi audit Baudrand de faire en ches- cung estaige de ladite tour, deux petitz larmiers pour donner ayr et jour en ladite tourt, en les biens et deuement ferrant et auant que poser les ferramentes, sera tenu les monstrer et exhiber auxdits comissaires et consulz pour les veoir et visiter, si elles seront bonnes et souffizantes. Item est aussi permis audit Baudrand de faire aux murs de ladite ville, à l'endroict de sadite maison, ayant regard sur les terraulx de fenestres, croysées ou mye croisées, en les ferrant bien et deuement à pagneaulx, ou aultrement de bonne et souffizante ferrure, et auant que les poser sera tenu ledict Baudrand le faire assauoir auxdits comissaires et consulz et esleux, pour veoir et sçauoir si lesdites ferrures seront bonnes et nécessaires, et aussi deux larmiers au dessoubz de ladicte maison et aultres, deux au dessus d'icelle maison, en les ferrant aussi comme dict est bien et deuement de bonne ferramente comme dessus et auant que la poser, la monstrer auxdicts comissaires. Item sera tenu ledit Baudrand remuer le chemyn ou passaige qui va et entre aux terraulx et jeu de l'arc, en lieu plus commode et qui luy sera monstre par lesdits comis- saires, manans et habitans dudit Condrieu et remuer les portes nécessaires, en sorte qu'il ne empesche le conduict et passaige de l'eau qui entre aux portins faict aux terraulx