Revue du Lyonnais » série 4 - n°4 ( 1877 ) » pp.023

        ET DE JEHAN DE VAUZELLES         23

             13. — Le Duc.
 Vien, Prince, 'avec moy, et délaisse
 Honneurs mondains tost finissantz :
 Seule suis qui, certes, abaisse
 L'orgueil et pompe des puissantz.
            14. — L'Abbé.
 Il mourra, car il n'a receu.
 En soy aulcune discipline,
 Et au nombre sera deceu
 De folie qui le domine.
           1/. — L'iAbbesse.
J'ay tousj ours les- mortz plus loué
Que les vifz, esquelz mal abonde,
Toutesfoys la Mort m'a noué
Au ranc de ceulx qui sont au monde.
            16. — Le Noble.
Qui est celluy, tant soit grand homme,
Qui puisse vivre sans mourir ?
Et de la Mort, qui tout assomme, x
Puisse son ame recourir?
          17. — Le Chanoine.
Tu vas au chœur dire tes heures,
Priant Dieu pour toy et ton proche;
Mais il fault ores que tu meures :
Voy tu pas l'heure qui approche ?
            18. — Le Juge.
Du mylieu d'eulx vous osteray,
Juges corrumpus par presentz :
Point ne serez de mort exemptz,
Car ailleurs vous transporteray.