Revue du Lyonnais » série 4 - n°4 ( 1877 ) » pp.024

24             POÉSIES DE MATTHIEU

              19. — Le ^Procureur.
     L'homme cault a veu la malice
     Pour l'innocent faire obliger,
     Et puis par voye de justice
     Est venu le pauvre affliger.
              20. — Le Conseiller.
     Les riches conseillez tousjours
     Et aux pauvres clouez l'oreille :
     Vous crierez aux derniers jours,
     Mais Dieu vous fera la pareille.
             21. — Le 'Prédicateur.
     Mal pour vous qui ainsi osez
     Le mal pour le bien nous blasmer,
     Et le bien pour mal exposez,
     Mettant avec le doulx l'amer.
                22. — Le Prêtre.
     Je porte le Sainct Sacrement,
     Cuidant le mourant secourir,
     Qui mortel suis pareillement,
     Et comme luy me fault mourir.
           2). — Le Moine-Mendiant.
     Toy qui n'as soucy ny remord,
     Sinon de ta mendicité,
     Tu sierras à l'umbre de Mort
     Pour t'ouster de nécessité.
                24. — La Nonne.
     Telle voye aux humains est bonne
     Et à l'homme très juste semble ;
     Mais la fin d'elle à l'homme donne
     La Mort, qui tous pécheurs assemble.