Revue du Lyonnais » série 4 - n°4 ( 1877 ) » pp.022

22             POÉSIES DE MATTHIEU


               7. — L'Empereur.
     De ta maison disposeras
     Comme de ton bien transitoire,
     Car là où mort reposeras
     Seront les chariotz de ta gloire.
                 8. — Le Roi.
     Ainsi qu'aujourd'huy il est roy,
     Demain sera en tombe close :
     Car roy aulcun de son arroy
     N'a sceu emporter aultre chose.
              9. — Le Cardinal.
     Mal pour vous qui justifiez
     L'inhumain et plein de malice
     Et par dons le sanctifiez,
     Ostant au juste sa justice.
              10. — L'Impératrice.
     Qui marchez en pompe superbe,
     La Mort ung jour vous pliera;
     Comme soubz voz piedz ployez l'herbe,
     Ainsi vous humiliera.
                11. — La %eine.
     Levez vous, dames opulentes ;
     Ouyez la voix des trespassez :
     Après maintz ans et jours passez,
     Serez troublées et doulentes.
                12. — L'Evêque.
     Le pasteur aussi frapperay,
     Mitres et crosses renversées;
     Et lors quand je l'attrapperay,
     Seront ses brebis dispersées.