page suivante »
332 LETTRES DU CONNÉTABLE
mon dit Seigneur. Et ont mis sus, ont semé et publié ,
sèment et publient de jour en jour, qu'il est empeschement
de ce hault et grand bien de paix, voyre de plus grant
division oudit royaulme et de totale destruction d'icelui.
Pour quoy nous, adcertennez des chouses dessusdites, qui
désirons de tout notre cueur ladite paix, la continuation de
la seigneurie de mon dit seigneur le Roy, eschiver roberies,
pilleries et vexations de peuple et qui ne voulions, ne ne
povons bonnement souffrir telx des loyaux qui n'enquereat
que le leur et ainsi gouverner mon dit Seigneur, avons dis-
posé d'envoyer présentement et renvoyons de fait de noz
gens en armes a rencontre d'eulx et de leur mauvaiste et
dampnable entreprinse, et nous y pensons emploier de notre
personne pour le bien de mon dit Seigneur et de la paix
dessusdite. Et pour ce que nous avons sceu que de votre part,
vous êtes déterminez a celle bonne fin dont nous vous sa-
vons très bon gré, et en tant que touche notre dit frère
vous remercions. Nous vous prions que en si hault et noble
propos, vous veillez toudis persévérer, sachans que de
notre part nous ne vous fauldrons en aucune manière , ains
vous conseillerons, conforterons et aiderons de toute notre
puissance. Treschiers et bien amez, Notre Seigneur vous ayt
en sa garde. Escript en notre ville de Nantes, le xiiije jour
dejuin (1425).
Signé : JEHAN.
Et plus bas : GODART.
LETTRE DE LA REINE DE SICILE, YOLANDE D'ARAGON.
Au dos : A révérend père en Dieu , nos treschiers et
grans amis les Arcevesque, Gens d'église, Senechal, Cappi-
taine, Conseillers, bourgois et habitans de Lion.