Revue du Lyonnais » série 4 - n°4 ( 1877 ) » pp.026

26             POÉSIES DE MATTHIEU


              31. — Le Chevalier.
     Peuples soubdain s'esleveront
     A l'encontre de l'inhumain,
     Et le violent osteront
     D'avec eulx sans force de main.
                32. — Le Comte.
     Avec soy rien n'emportera,
     Mais qu'une foys la Mort le tombe,
     Rien de sa gloire n'ostera
     Pour mettre avec soy en sa tombe.
              33. — Le Vieillard.
     Mes esperitz sont attendriz,
     Et ma vie s'en va tout beau.
     Las ! mes longz jours sont amoindriz,
     Plus ne me reste qu'un tombeau.
               34. — La Coquette.
     En biens mondains leurs jours despendent,
     En voluptez et en liesse,
     Puis soubdain aux enfers descendent,
     Où leur joye passe en tristesse.
            35. •— Les xAmoureux.
     Amour qui unyz nous faict vivre,
     En foy noz cueurs préparera,
     Qui long temps ne nous pourra suyvre,
     Car la Mort nous séparera.
              36. — La Duchesse.
     Du lict sus lequel as monté,
     Ne descendras à ton plaisir,
     Car Mort t'aura tantost dompté
     Et en brief te viendra saisir.