page suivante »
CHRONIQUE DE LA MAISON DE BEAUJEU. 297
bon,conte de Clermont et de Forestz. Elaudil liltre adjouctala
baronnye de Beaujolloys. Il en prinl possession au moys de
septembre mil quatre cens, avec belle et grande compaignye
des nobles tant du pays que dailleurs.
Et est asscavoir que ledit Loys de Bourbon avoit lors pour
femme et espouse madame Anne, fille du conte daulphin
dAuvergne et de madame Marguerite de Bourbon; et estoit
conte de Forestz, combien quelle leut donne a sadite niepce
femme de Loys par traicte de mariage.
Iceulx duc Loys et Anne heurent ung filz nomme Jehan,
conte de Clermont, qui fut conjoinct par mariage avec 1res
noble dame Marye, fille du duc Jehan de Berry qui estoit vefve
du conte dEu auquel elle avoit este maryee en premières nop-
ces. Ledit conte dEu avoit este faict connestable de France
après messire Olyvier de Clisson. Ils avoyent aussy ung aul-
tre filz nomme Loys.
Sensuit (1) la généalogie de Charles, duc de Bourbon, qui
trespassa lan quatre cens cinquante six.
En l'année mil quatre cent cinquante six trespassa le duc
Charles de Bourbon, lequel eust a femme Agnes, fille du duc
Jehan de Bourgoingne , dont de ce mariage yssirent cinq filz
et cinq filles. Le premier filz eust nom Jehan, conte de Cler-
mont , lequel, après le deces de son père, fut duc et neust
nulz enfans ; le second, nommé Charles, qui fut cardinal et
archeuesque de Lyon et abbé de sainct Vorz d'Arras ; le troi-
siesme, nommé Jacques, qui mourust a Bruges sans nulz en-
fans ; le quatriesme, nommé Loys, qui fut evesque de Liège ;
le cinquiesme, nomme Pierre, seigneur deBeaujeu, et par le
trespas dudit Jehan, son frère, fut seigneur de Bourbon, Et
eust ledit Pierre en mariage madame Anne de France, fille
du roy Loys unziesme. Duquel mariage yssit madame Su-
(1) Ce qui suites! d'une rédaction plus moderne.