page suivante »
CHRONIQUE DE LA MAISON DE BEAUJEU. 295
Icelluy messire Anlhoine de Beaujeu fut ung merveilleuse-
ment beau prince et.de grand force, bien forme et vertueux,
fort chevaleureux et de bonne conduicle en bataille. Il fut
moult prise et ayme des roys de France, dEspaigne et dAr-
ragon, et aussy de tous ducz, contes et barons, auflres nobles
et gens de guerres de toutes partz ; car il estoit moult libéral
et abandonne prince.
A son retour de Gascoingne, dEspaigne et de Grenade, ou
il avoit este avec messire Bertrand Duguesclin et le conte de
la Marche ; et despuys y estoit retourne avec le duc dAnjou a
la conqueste dudil royaulme dEspaigne pour le roy Henry
contre le roy Piètre dArragon, ou il avoit mené belle et noble
compaignye de son pays de Beaujolloys. Ledit seigneur mou-
rust a Montpeillier, sans avoir délaisse aulcuns enfans des-
cendans de luy, a la grande plainte et pleurs de tout le
monde, et au grand détriment de la 1res noble et ancienne
maison de Beaujeu dont il estoit seigneur. Il mourust le dou-
ziesme jour du moys daoust, lan mil trois cens septante
quatre, et fut apporte en moult grand honneur, triumphe et
reverance, en labbaye de Belleville ou il fut enterre et mis
avec ses prédécesseurs ; cy fut faict très belle obseque et so-
Iempnite, le jour du moys de , audit an
Madame Marguerite de Beaujeu, sa sœur, fut femme de
noble et puyssanl seigneur de Piémont, prince de Aquaye et
de la Moree, duquel ladite dame Marguerite eusldeux enfans,
cest assavoir messire , qui fut prince delà Moree et
messire Loys. Ladite dame mit en procez le duc Loys de Bour-
bon, après la mort de Eddouard, son cousin germain , qui
donna ladite baronnye contre le voulloir et ordonnance de
tous ses prédécesseurs et devanciers , seigneurs de Beaujeu.
El aussy mit en procez ledit seigneur de Bourbon pour ray-
son de quatre mille florins que lui avoit lègue ledit seigneur
Anlhoine par son testament.