page suivante »
CHRONIQUE DE LA MAISON DE BËAUJEU. 29i rement engendra messire Eddouard, auquel, aprez le trespas de mondit seigneur Anlhoine, advint el escheuf la baronnye deBeaujeu, comme louchez sera cyaprès; secondement, eust une fille nomme Marye, qui fut femme du seigneur de So- bornon ; la tierce fut dame Alix, laquelle fut femme du sei- gneur de Fougerolles, et, aprez la morl dudil seigneur de Fougerolles, elle fut femme du seigneur de Vailly, qui estoit frère du comte de Sancerre. et aprez le trespas dudit seigneur, elle fui femme du seigneur de Cosey ; la quarte fut dame Jane, qui fut femme du seigneur de sainct Trivier; la quinte fut dame Marye, qui fut nonnain de Marcigny-les-Nonnains; le sixiesme, ungfilznommez Philibert, lequel mourust jeune et fui enterre a Belleville. Le 1res noble Guichard , prudent, saige et hardy en con- seil , conduicte et dévotion à Dieu et aux saincts, pitoyable envers les pauvres, chevaleureux et a merveilles, prompt aux aimes aultant ou plus que nul aultre de son temps, fut tue à la bataille de Poicliers, en laquelle fui prins parles Angloys le roy Jehan, roy de France, qui y perdit honneur et chevance ; ce fut le vingtiesme jour de septembre, lan mil trois cens cin- quante six. Et fut faicl sa sépulture moult honorable le dou- ziesme jour de décembre lan mil trois cens cinquante sepl. Audit seigneur Guichard de Beaujeu, seigneur de Perreux, qui fut lue à Poictiers, comme dict est, succéda son fils Ed- douard, qui est celluy qui despuys donna la baronnye de Beaujeu au duc Loys de Bourbon, la vigille de sainct Jehan Baptiste, lan mil quatre cens, luy eslans a Parys par subtils moyens el induction. Or est cy endroict a notter que messire Guillaume de Beaujeu, frère dudit Eddouard, de père seullement, el dudil seigneur Guichard dernier nomme, de père et de mère ( la mère fut madame Jane de Chasteauvillain), fui seigneur dAmplepuys pour son parlage de la succession de messire