Revue du Lyonnais » série 2 - n°8 ( 1854 ) » pp.285

           CHRONIQUE DE LA MAISON DE BEAUJEU.                285

Robert, auquel advint la seigneurye de Joz sur Tarrare, et
Loys qui demeura seigneur d'Alloignei. La fille fut nomme»;
dame Blanche de Beaujeu, laquelle fut mariée avec le sei-
gneur de Lunyeres nomme (Mabrian).
   Guichard-le-Grand, père de tous lesdits enfants pour sa
1res grande prudence, sapience, discrétion et fidélité, avec plu-
sieurs autres dons de grâce. Aussi pour sa vertu, force et au-
dace, avec bonne conduicle, fut toute sa vye en grâce des rois
de France et de l'eslroict conseil d'iceulx, car il fut gouverneur
de cinq rois. Premièrement de Philippe le Bel, lequel il gou-
verna et conduict en ses affaires son temps durant. Ledit roy
Philippe le Bel eust trois enfans : le premier fut nommé Loys
Hutlin, qui fut roi de Navarre, vivant son père, et après le
trespas de sondit père fut faict roy de France ; le deuxième,
Philippe le Long, et fut conte de Champage et de Pontieux. Et
après ce que ledit roy de Navarre son frère, qui estbit roy de
France, fut mort sans enfans masles, ledit Philippe le Long
succéda comme plus prochain a la couronne de France et fut
sacre a Reims. Le tiers desdits enfants dudit Philippe le Bel
fut appelé Charles le Bel, qui fut comte de la Marche. Et
après la mort de son frère, Philippe le Long fut roy de France.
Et moururent tous les trois rois derniers nommez sans hoirs
masles descendants de leurs corps. Par quoi après leur trespas
advint la couronne de France a Philippe de Valloys, filz de
Charles de Valloys, qui estoit frère dudit Philippe le Bel et fut
faict roy de France. Desdils cinq roys de France dessus nom-
mez fut seigneur chambellan et grand gouverneur, très féal
serviteur et en toutes leurs terres, guerres, batailles et affai-
res, 1res prudent et saige conducteur et diligent exécuteur. Et
en tant que son temps durant ne se trouva homme qui luy
feil peur ny duquel il ne prins vengeance en son honneur gar-
dant et le prauffit du roy et du royaulme et fui moult ayme et
prise de tous, et aussy chevaleureusement se pourta de son