page suivante »
ET DE JEHAN DE VAUZELLES 43b Qui n'appartient à un regard prophane ; Car ce sont crins, non point escharpillez Mais joliment sans art entortillez, Lesquelz sépare une voye lactée Parmi le chef droictement dilatée, Où plus on lit des secretz de nature Qu'on ne faisoit es columnes Mercure (i). Cheveulx folletz undoyant sur la joue, Où mainte Grâce et maint Amour se joue ; Cheveulx qui font, tout ainsi que Méduse, Transformer cil qu'à les veoir trop s'amuse ; Cheveulx espars sur le col volletans Et par nature en contour flocquetans Si frisquèment, qu'elle mist en celle œuvre Tout son scavoir, c'est son divin chef d'œuvre, Où pour tout vray elle clost et enchâsse Une déesse à l'angelicque face. Cheveulx au chef veuz tant bien testonnez, Que gentilz cueurs seroient plus estonnez Vous veoir troubler que leur chose publique ; Cheveulx qu'ont peu rendre Néron l'inique Admirateur de vostre grant valeur, Tant qu'aux Romains feit porter leur couleur. O cheveulx blonds, o perruque menue, Plus forte assez qu'en Sanson ne fut veue, Car il n'y a finesse qui la trompe, Tant sus amis et sus ennemis pompe ; Cheveulx sacrez, si quelqu'un de vous tombe (l) L'auteur veut parler de ces gaines portant une tête de Mercure qu'on appelait Hermès, et qui servaient de poteaux indicateurs dans les carrefours.