page suivante »
413
deffunct, conduict par monsieur de Chevriéres, tous quatre
ayans de grands manteaulx à longue queue traynans par terre.
Après eulx venoient messieurs de la Justice et gens tenans le
siège présidial à Lyon, leurs huyssiers marchant devant, et en
après le peuple, en si grande multitude et foule, qu'il seroit im-
possible de les nombrer, et parce qu'il falloit une grande estendue
de chemin pour ranger tout ce que dessus, l'on fut contrainct d'aller
faire le tour par la rue de Flandres, jusques au puys du Sel, et
revenir par dessus devant ladicte église Sainct-Pol, et de là au
Change ; puys droict en ladicte grand église de St-Jehan, où l'office
de la grand messe fut faict fort solemnellement par monsieur
l'archevesque de 'Vienne, et l'oraison funèbre par M. Amond
Auger jesuiste, lequel prlnt pour thème ce verset : In memoriû
œterntt. erit jusius, ab auditions malâ non timebit. Discourant sur
lequel il n'oublyaxien qui peult faire à la louange du deffunct,
ayant recherché ses actions [dez ^u'il fut sorti de page, et con-i
tinué par degrés et par année jusques à son décès, et entre aultres,
il n'oublya la bataille de Renty, où ledict deffunct avoit valleu-
reusement combattu; ses faits et gestes en Piémont , le passage
qu'il feist en Italie soubs feu monseigneur de Guyse , le soing qu'il
avoit eu à conserver son gouvernement en repos, et d'en chasser
tous ceulx qui le pouvoient troubler ; comme il avoit faict au pays
de Forests ; le bon debvoir qu'il avoit faict devant la Mure, lorsque
monseigneur de Mayenne la tenoit assiégée; bref il rapporta toutes
les actions et faits héroïques dudict deffunct.
Après ceste oraison, la messe parachevée, après laquelle et les
exaudi et autres suffrages accoustumées, le corps fut porté à la sé-
pulture par les habitués de ladicte église qui l'avoient prins des
mains desdicts penitens à l'entrée du cloistre d'icelle, lesquels
penitens après que toutes les cérémonies accoustumées en tel cas
curent esté dignement faictes et parachevées, allèrent bailler de
l'eaue beniste au corps et chanter sur icelluy ung de profundis en
musicque ; de là le dueil retourna conduict comme dessus au logis
dudict défunct, duquel Dieu veulle avoir l'ame. Le lendemain du-
quel on eust advis comme le roi avoit baillé ledict gouvernement
de cette province à monseigneur duc de Nemoux et la lieutenance
en son absence à monsieur de Botheon, senechal dudict Lyon,
dont tous les gens de bien ont reçu un très grand contentement
et en a ladicte ville très humblement remercié sa majesté.
4466. », Louis XI, par lettres-patentes en date de ce jour « donne ordre que
« l'art et ouvraige de faire des draps d'or et de soye soit commancé