page suivante »
411
arquebousiers de la ville conduicts par l'un des sergens de leur
compaignie ayant tous l'arquebouse baissée, la mèche esteinte
et leurs morrions couverts de crespe noir, devant lesquels le tam-
bour couvert de même crespe, et fifre sonnant fort impitoya-
blement.
Après suyvoient les deux cents Suysses estant en garnison en
ladite ville conduicts par leur cappitaine à cheval, et son lieutenant
à pied, tous deux vestus de grands manteaux noirs, lesdits Souysses
tenant leurs allebardes la poincte contre terre et avoyent aussi
leurs tambours baltans, et fifres sonnans comme les précédens.
Ceulx-cy estoient suyvis des arquebousiers francois de la garde
dudit feu sieur de Mandelot, conduicts par monsieur de la Grange
leur cappitaine, et par le capitaine Ferrand son lieutenant. Ledit
Ferrand tenant son allebarde couverte de crespe noir la poincte
contre terre , et lesdicts arquebousiers ayanct comme les autres
l'arquebouse baissée, la mesche esteinte et leurs morrions couvers
comme les précédens de crespe noir.
Venoient en après les torches tant des nations Allemande, Souysse,
Lucquoise, Milanoise, Genenoise , Florentine, que des particuliers
en sy grand nombre, qu'il eust esté impossible de les compter,
lesquelles estoient suyvies dés torches de PAulmosne generalle,
de celles de la ville, et en après de celles de messieurs de la
grande église, de celles de monseigneur l'archevesque, de celles
du roy qui estoient flambeaux de cire blanche portés par les ser-
gens royaulx, et enfin par celles du corps portées par cinquante
paouvres hommes vestus aux despens de l'hoirie dudict feu sei-
gneur de robbes, chapperon, chausses et solliers nœufs.
En après marchoient les gens d'armes efarchiers de sa com-
paignie conduicts par leur mareschal des logis, revestus de leurs
hoquetons d'armes et leurs manteaux dessus.
Après eulx venoit la compagnie des penitens, avec leurs cruci-
fix et flambeaux à la manière accoustumée. Ladicte compagnie de
penitens estoit suyvie des Mendians, Minimes, Observantins, Au-
gustins, Cordelliers, Carmes et Jacopins, suivis et confusément des
églises de Sainct-Jehan, Sainct-Just, Sainct-Pol, Sainct-Nizier, et la
riattiere, après lesquels marchoit l'evesque de Damas, suffragant
dudict sire archevesque, et les quatre bastonniers desdicles
églises.
Venoit après le cheval de paradé tout couvert de velours noir
avec une grande croix de satin blanc au travers , mené par les
resnes par les escuyers de l'cscuyciïes dudict sire, habillés de dueil.