Revue du Lyonnais » série 1 - n°2 ( 1835 ) » pp.412

                       412
    Marchoient en après les sieurs de Camperny et de Varissieu,
enseignes et guidons de sa compaignie de gens d'armes habillés
sur leurs casacques d'ung manteau de dueil, portant sur l'espaulle
leurs dicts enseignes et guydon, les bouts [traynans "en terre,
 et estoient suyvis d'aucuns gens d'armes de ladicte compaignie,
 habillés de leurs casacques de livrée et de manteaulx de dueil,
 dont l'ung portoit la lance du défunt couverte de crespe noir,
l'aultre la cotte d'armes de velours noir avec les escussons aux
 armoiries dudict deffunct, le troisiesme l'heaulme, le quatriesme
ses gantelets ; le sieur de Champrenard, premier gendarme faisant
 le cinquiesme qui portoit ung escusson tymbré avec les deux ordres
 de sa ^majesté; le.sixiesme portoit l'espée d'armes, le septiesme
ses espérons dorés, couvers comme tout le reste dudict crespe
noir, et finalement le huitiesme qui estoit le sieur de Charnay
portoit sesdicts deux ordres sur un carreau de velours noir.
    Tous ceulx-là estoient suyvis de cinquante des pabuvres enfants
adoplifs de l'Aulniosne generalle conduicts par leur maistre , tous
 vestus aux despens dudict sire de robbes, chapperons, chausses
et solliers nceufs, chacun d'eux portant un cierge de cire jaulne.
     Venoient en après les bedeaux des confrairies de Notre-Dame-
de-Pitié, du corps de Dieu, de St-Jacques-des-drapiers, de là
Trinité et de la Croix, ayans leurs clochettes en main, couvertes
 de crespe, et sonnant bas, et tout doulcement, et non à plein
bransle.
    Tout cella estoit suyvi du corps dans ledict cercueil, couvert
d'ung grand drap de velours noir traynant en terre, avec son
habit et heures de penitens dessus. Lequel corps estoit porté par
six de la dicte compaignie des penitens , et les quatre bouts du-
dict drap funèbre portés par quatre des eschevins de ladicte ville ,
les aullres desdicts eschevins et le secrétaire et voyer d'icelle,
tous habillés de robbes violettes environnoient et marchoient aux
deux costés dudict corps.
    Après lequel marchoit monsieur l'archevesque de Vienne, au
milieu de deux custodes de Ste-Croix vestus de leurs chappes.
   Après eulx venoient les serviteurs, officiers et domestiques
dudict sire, vestus de grands manteaux de dueil.
    lie dueil suivoit ceulx-là, assavoir le sire d'Alincourt, son
gendre, conduict par monseigneur le duc de Mayenne, monsieur
le prieur de Sainct Hirigny conduict par monsieur le marquis
de Villars, le sieur de I.auty conduict par le sieur colonnel Al-
phonse Corse, et le petit sieur de Montachon, nepveu dudict