page suivante »
455 HYMNE DU SAINCT-ESPRIT POUR LE IOUR DE LA PENTECOSTE. Le iour de la Pentecoste, Comme l'Euangile escrit, La Compagnie deuote Receut l'aime Sainct-Esprit. Sus reiouissons nous tous, Le Sainct-Esprit est sur nous. Il vient pour remplir nos âmes Des plus célestes liqueurs , Et, nous bruslant de ses flames, II rechauffera nos cœurs. Sus, etc. 0 sainct Paraclet céleste , Précieux don du Très Haut, Feu fontaine manifeste Qui descoule de là haut. Sus, etc. Comme doigt de Dieu suprême , Septiforme vrayement, Consolant d'amour extrême Nostre sainct contentement. Sus, etc. Attise en nostre poictrine Ton amour perpétuel, Receuans l'amour diuine De nostre Père eslernel. Sus, etc. Chasse au loin nostre aduersaire, Nous donnant la paix tousiours ; T'ayans pour guide ordinaire, Heureux seront tous nos iours. Sus, etc.