page suivante »
LA VALBONE. 3i7 s'estant saisi de quelques rues de la ville, entrant partout, et dissipant ce qu'il pouuoit rencontrer, iettant beaucoup de maisons par terre ; ou mesmes (choses fort pitoyable) plusieurs hommes, femmes et petits enfans furent surpris et accablez, et vn infinité de meubles et autres bien perdus et gastez : outre ce le pont basti sur le dit Fleuve fort tou- tesfois et puissant, fut tellement esbranlé de la violence, que quelques arches tombèrent, et vn infinité d'arbres sous et à l'entour dudit pont. Or il n'y a gueres lieu, ou plus euidentes marques et plus piteuses apparoissent de ce des- bordement et de sa violence terrible, qu'en la Guillotière, bourg fort beau auprès dudit pont. Car, outre vne infinité de marchandises, cheuaux et bestail perdu, la ruine pres- que de toutes les maisons feroit bien telle pitié, que ie ne sache cœur si dur qui ne s'amolit au seul aspect de tel degats. Si trouue ie fort merveilleux, qu'il n'est demouré maison aucune qui ne soit ou peu ou prou offensée, et qu'an puisse dire exempte de mal. Iugez donc maintenant qu'elle peu estre l'impétuosité et le dommage qu'il aura fait vers Vienne, Valence, Sainct-Esprit, Auignon, et autres raïs par où il passe, desquels tous les iours nous oyons pi- teuses nouuvelles. D'autre costé il s'estendit tellement par le plat païs, qu'à vne demie lieuë de largeur et dauuantage, il n'y eust village, bel édifice, ny métairie qui n'obeist et suc- combast à sa violence, et qui peust aucunement subsister iusques mesmes à trainer quant à soy une grange pleine de foin, auec les bœufs attachez au râtelier : chose non iamais ouye. Vn grand volume ne suffirait à descrire les misères et calamitez qu'il a causé. Doncques si la Saône (fleuve duqxiel ie t'ay parlé) quittant ses bornes, eust changé sa douceur et lénitude en pareille impétuosité etdesbordement, qui n'eut iugé tout deuoir abysmer et fondre? qui n'eust estimé ceste partie basse estre en extrême danger de périr? Bref qui n'eust en opinion que les Dieux vouloyent abysmer ceste ville par eau, comme du temps de Néron par feu quand elle estoit bastie sur lamonstagne? comme la voulant