page suivante »
370 NOTRE-DAME-DE-LYON
publique, mesmement que la ditte ville, qui est clef et
l'une des notables villes de nostre dit royaulme, est située
en frontière et marche de pais, c'est à savoir de Savoie et
d'autres contrées de l'empire, et que par dessus ledit pont
passent et anuent de jour en jour les habitans de nostre
royaulme et autres portans denrées et marchandises et alans
en court de Rome et ailleurs ez parties d'Ytalie. Et pour ce,
Très-Saint-Père, que de tout notre cuer nous désirons obvier
aux dommages et autres inconvéniens qui, par la faulte de la
réparation dudit pont, se porroient ensuir et ycellui pont
estre réparé et mis en deu et soufisant estât, ainsi que le cas
le requiert, et que nous savons que les gens d'église, con-
suls, bourgeois et habitans d'icelle nostre ville de Lyon, pour
les grans charges qu'ils ont eu et ont chascun jour à sup-
porter, ne pourraient bonnement, sans l'aide des bonnes
gens, pourveoir à laditte réparacion, et aussi que feu de
bonne mémoire Saint-Père Clément dernier trespassé, que
Dieux absoille, eue considération aux choses dessus dites, Ã
nostre supplication et requeste octroya piéca à tous les bien-
faiteurs, qui cheritablement secourroient à l'œuvre et répa-
racion d'ycelhii pont, certaine indulgence et pardons, nous
vous supplions, Très-Saint-Père, tant et si à certes que plus
povons, que lesdittes indulgences dont il vous appaira, il
vous plaise renouveller aux dits bienfaicteurs semblable-
ment que fit ledit pape Clément ; et en ce faisant, Très-Saint-
Père, vous nous ferez le greigneur plaisir que faire vous
peussiez en tel cas. Très-Saint-Père, se chose vous plaise que
faire puissions, faites-la nous savoir, et nous la ferons volen-
tiers. Très-Saint-Père, le Saint-Esprit vous ait en sa sainte
garde et vous doint bonne vie et longue au bon gouverne-
nement de sa sainte Eglise. Escript à Paris le dernier jour
d'octobre.
Vostre dévot fils le roy de France,
CHARLES.