page suivante »
42 UNE ŒUVRE INEDITE peu d'assurance et plus que ces soldatz faisant conscience de se précipiter, aiant le moien de sortir par les portes de la ville, requist lesd. Dames luy faire ceste faveur (à l'hon- neur du Seigneur) de luy donner acte receu par notaire comme partie de ses soldatz l'ayant abandonné, il se reti- roit plus honorablement qu'ilz n'avoient faict. Luy fut l'acte octroie par icelles, et expédié par le notaire du XXX e aoust 1562, signé Fay, présens à ce Aymé Baude, Jehan Bastie et Martin Morin ; et sont les qualitez dud. capitaine noble Pierre de Chasteluz, seigneur dud. lieu, l'un des capitaines députés en l'Eglise réformée, selon la parole de Dieu. Ainsi, Monsr le Capitaine, bien aise de son acte expédié, rendit les clefz de lad. ville aux femmes et se retira au galop, laissant en charge à la plus apparente d'icelles Madame de Clérimbert (1) les arquebuze à croc et quelques autres plus grosses pièces qu'il avoit (comme dict est) de Lyon faict conduire aud. lieu avec plusieurs munitions. Ainsi voulut la divine providence démonstrer comme la force et prudence mondaine est par luy avec bien petitz moyens abattue, comme aussi par sa grâce, il a confondu les conseilz et desseings et si grandz forces préparées par les sectaires ausquelz sembloit par tout jugement humain estre impossible résister, aboulir en ce Royaume tout à un coup la Religion sacrée et l'authorité Royale. La nuict suivante de cette glorieuse consquête se pré- senta devant lad. ville le capitaine Montferrier avec sept ou huict vingtz chevaulx et trois ou quatre compaignies de (1) Clémence Bastier, veuve de Jean de Riverie, 4e du nom, mort en 1552. Elle avait quatre enfants mineurs : Jean, Jacob, Sybille et Pernette.