page suivante »
DE LA VILLE DE CONDRIEU 427
1
naulté, et ce pour quatre années finies à la feste S Jehan
Batiste, 1586, appert du contract reçu par Me Estienne
Morel, grenier en l'an 1582 (f° 7 sup. V°).
LA CONTAGION AUGMENTE
1587. — Honn c Charles Chol, incontinant après le
• deceis de son père, fut esleu consul audit Coindrieu avec
Sr Claude Gourgeron, au commencement de l'an 1587, en
laquelle charge ils eurent beaucoup de grandes peynes et
fascheries, car toutes les tailles de l'an 1586, quy estoient
fort grosses, n'auiont esté ny lencés ny acquittées dans
Lyon, tant à cause de la contagion et infection qu'auoit
esté sy grande audict Coindrieu, qu'on n'osoit fréquenter
l'un l'autre. De laquelle contagion morut Anthoine
Cochoud et Bon Cochoud son filz et donataire, chargé de
la collecte de ses tailles, suiuant le tour du roolle, que Ã
cause de la grande chierté de bled et pauureté du peuple ;
tellement que lesdictz Chol et Gourgeron furent constitués
prisonniers dans Lyon à la requeste de Me Jean Richôme,
recepueur desd. tailles, et pour estre eslargis falut paier
comptant treize cens escuz sol qu'estiont deubz audit
Richomme pour lesdites tailles, laquelle somme fut
empruntée en banque, dans Lion, au cours de la place du
Change pour vn payement, partant ledit Chol fut contraingt,
pour s'aquitter, de fere la collecte des roolles des tailles
dudit Cochoud ; que luy reuientà grand fraiz, dommaiges et
interestz d'estre consul et collecteur tout ensemble.
GARNISON
En ladicte année 1587, au mois de septembre, Mon-
seigneur de Mandelot, gouverneur de Lion, enuoia le