page suivante »
ARTUR DE RICHEMONT. 343 bien. Treschiers et bons amis, s'aucune chose voulez que puissions faites le nous savoir et nous le ferons de bon cuer. Notre Seigneur soit garde de vous. Escript a Bourges, le vije jour de mars (1427, n. s.). Le conte de Richemont, connestable de France. Signé : ARTUR. Et plus bas : GILET. DU CONNÉTABLE. A noz treschiers et bons amis, les gens d'église, bourgois et habitans de la ville de Lyon. Treschiers et bons amis, des nouvelles de pardeça. Hier, vers une heure après-midi, nos gens frappèrent sur le siège de Montargis ou, la mercy Notre Seigneur, ilz besongnerent très bien, car ilz desconfirent troys des sièges. Et y ont esté mors et prins grant nombre d'angloys entre lesquelx estoient le conte de Warvich et Lapoule (1). Et ne scet l'on encores qu'ilz sont devenuz et ont nos dites gens mit grant quantité de vivres dedens le dit lieu de Montar- gis. Et en oultre ont esté gaignées ceste sepmaine sur les ennemis les places de Marchesnoir et de Montdoubleau. Auquel lieu de Montdoubleau a esté gaigné belle artillerie , laquelle les angioys y avoient lessée, espérant mectre le siège à Vendosme. Et y ont esté mors et prins les angioys qui y estoient. Si vous prions que vueillez remercier Notre Seigneur de la grâce que parce il a faite à Monseigneur le Roy, a vous et a tout son royaume. Treschiers et bons amis, Nostre Seigneur soit garde de vous. Escript a Jargueau, le yje jour de septembre (1427). Le conte de Richemont, connestable de France. Signé : ARTUR. (1) William Vole.