page suivante »
ARXUR DE lUCHEMONT. 341
a vous tant chierement comme plus povons. Et vous pleise
savoir que nous envoyons par deyers Monseigneur le
Connestable tel notre porteur de ces présentes , par lequel
lui envoyons unes lettres desquelles vous envoyons la copie
cy dedans enclose. Et pour ce que, la votre grâce, avez tous-
jours euz les affaires communs de ceste ville de Lion pour
recommandez , nous vous prions trèschierement qu'il vous
pleise nous et la dite ville de Lion avoir pour recommandez
envers mondit seigneur le Connestable et aidier a expédier
le dit porteur le mieulx et le plus brief que vous pourrés,
ainsi que, la mercy Notre Seigneur, il est bien en votre
puissance et que nous y avons pleine fiance. Et avecque ce
vous pleise nous commander vos bons pleisirs , car en
bonne foy nous les accomplirons à noire povoir et très bon
cuer.
Treschier et honnouré Seigneur , nous prions Notre Sei-
gneur, qui vous doint bonne vie et longue. Escript à Lion,
le xxvje jour de février (1427, n. s.).
Les tous vôtres, les Conseillers et habitans de la ville do
Lion.
DU CONNETABLE.
A noz treschiers et bons amis les Conseillers, Bourgois
et habitans de la ville de Lyon.
Treschiers et bons amis, nous avons receu vos lettres
que par Jehan Violet, porteur de cest'es, envoiees nous avez
et veu le contenu d'icelles. Et quant à ce que dites au re-
gart des lettres que vous avons escrimes, touchant ce qui
nous est deu de reste de l'assignacion que avons dès pieça
sur la ville, que vous ne cuidez pas que quant nous les
signasmes nous fussions advertis du contenu en icelles, et