page suivante »
340 LETTRES DU CONNÉTABLE
et lesquelles fortifications et closures demeurent imparfaie-
tes pour ce que nous n'avons plus de quoy. Et qui plus est
pour les dites charges qui nous sont insupportables , grant
nombre des habitans de ceste ville de Lion s'en sont alez
et chacun jour s'en vont èsdis empires dont nous summes
si prouchans, comme vous savez, et où Hz n'ont mie tant de
charges de beaucoup, comme ces choses vous dira plus au
large, s'il vous plaist, Jehan Violet, porteur de ces pre'sentes,
le quel pour ceste cause envoyons par devers vous. Si
vous supplions, très hault, puissant, et notre redoubté Sei-
gneur, qu'il vous pleise , de votre grâce, avoir considéra-
tion a nos dites povretez et affaires dessusdites, et pour ce
nous quicter et remettre ladite somme ou au moins le plus
largement d'icelle que pourre's, car encoures la reste ne
nous peut estre que trop grevable, actendues les choses
dessusdites. Car tousjours vous vouldrions nous complaire
à notre povoir et de très bon cuer, comme tenuz y summes.
Et en ce faisant vous serés cause de repupler et amenter
la dite ville de Lion qui toujours a lait son loyal devoir en-
vers le Roy notre souverain seigneur.
Trèshaut , puissant et notre redoubté Seigneur, nous
prions le benoyt filz de Dieu qui vous doint bonne vie et
longue. Escript a Lion, le xxvje jour de février (1427,
n. s.).
Voz humbles serviteurs les Conseillers et habitans de la
ville de Lion.
Des mêmes.
A notre treschier et honnouré Seigneur, maistre Guillaume
Cousinot, chancellier d'Orléans.
A noble et puissant Seigneur, Monseigneur de Chasteau-
bviant.
Treschier et honnouré Seigneur, nous nous recommandons