page suivante »
2G8 ' ACTES CONSULAIRES. beaulx croissans blans. Et estoit le dict bapteau tout chargé et environne de fusées, lances à feu, tappereaulx et feuz artificiclz jusques au mat d'icelluy. Au dedans duquel y avoit quantité de fagotz, paille et pouldre. Dans ledict brigantin y avoit vingt personnages habillez de rouge à la matellotte turquesque, au milieu duquel y avoit ung magnifficque seigneur de Baschat qui estoit portant en teste le grand et gros turban à la mode du grand turc, ayant vestu une longue robbe rouge. Lequel d'ung cousté assailloit la dicte gallere avec une infinité d'artifices à feu. De l'aultre cousté estoit le cappitainc de la ville avec les mosquetz et faulconeaux de la dicte ville et grand nombre de ses arquebouziers , l'enseigne desployée , lesquelz estans sur des bapteaulx firent grand combat et effort contre la dicte gal- lere, comme feirent quatre frégates armées de soldatz qui des- cendirent de Sainct Vincent. Sur le bord de la rivière, tant deçà que delà la Saosne, estoient arrangez tous les soldatz de compaignie avec leurs cappitaines, comme aussi sur le dict pont, lesquelz ne cessoient de tirer force coups d'arquebouzades comme semblablement ceulx de la citadelle, qui deslacharent quant et quant quelques pièces d'ar- tillerie. Et durant ce passetemps depuis six heures jusques à huict. Ladicte gallere fust toute arse et bruslée, ne cessant de flam- boyer toute la nuict. Voillà comment, pour la tant désirée victoyre et à la fin obtenue par Monseigneur d'Anjou, frère du Roy, prince chevallereux, furent les plaisans feuz de joye à Lyon le quatriesme jour d'ap- vril -1369. Dieu veulle, par sa saincte miséricorde, que nous puissions vcoir bien tost l'entière yssue de ceste divine victoire, affin que, par ce moyen, nons puissions entrer en une bien longue et heureuse paix tant spirituelle que temporelle. Ainsi soit i!.