Revue du Lyonnais » série 5 - n°19 ( 1895 ) » pp.036

36                  UNE ŒUVRE INÉDITE

a obtenu (hélas, en quel temps sommes nous qu'il faille
ainsi parler) qu'au pais d'Auvergne et en ses autres terres et
seigneurie ny auroit exercice de Religion autre que de
l'ancienne catholique, comme aussi s'observera ez terres de
Messeigneurs frères du Roy, de Monseigneur de Montpen-
cier et de plusieurs autres princes et seigneurs qui ont l'hon-
neur de Dieu et leur salut éternel devant les yeux.
    Le semblable devra estre observé au pais Lyonnais
duquel l'Archevesque et son chapitre portent nom de
Comptes, les haultes justices et seigneuries, duquel pais pd.
la plus grande partie appartiennent aux Eglises et les autres
aux gentilz hommes, la plus part leurs fondateurs. Desquelz
il n'y en a un seul qui se soit onc departy de la vraye reli-
gion, ny de l'obéissance et service de sa Maiesté, ains sans
dissimuler si sont touz employés et aux charges plus honno-
rables.
    Voila donc par la grâce de Dieu un pais bienheureux
d'estre exempt (si on ne luy faict grand tort) de cette si
esvantée.
    Vous aves aussi à remonstrer que vre ville n'est com-
prinse entre celles esquelles estoient permis les preschez
hérétiques par le premier édict, car lors fust publié, elle
 estoit comme aussi elle a depuis persisté en l'union de
l'église catholique et en l'obéissance de sa Maiesté, parquoy
 elle n?auroit esté contraincte de recevoir ces nouveautés
 superstitieuses.
    Davantage et quand ainsi seroit que ce presche conta-
 gieux deust estre toléré en quelque part du Lyonnois, ce
 ne seroit en lieu qui fut plus dangereux qu'en vostre dicte
 ville, car estant limitrophe des pais de Faurestz, Auvergne
 et Bourbonnoys, où il est prohibé, tous les sectaires desd.
 pais seraient contrainctz (à cause de la contribution) de