page suivante »
172 NOTICE SUR LES PLANS ET VUES a scavoir que les deux montaignes etl'Isle fussent encloses dedans le circuit des murailles. Les Romains donc trans- mirent là une colonie soubz Auguste César, a scavoir en l'Isle, laquelle ou bien estoit ruinée de vieillesse, ou avoit perdu sa renommée et la multitude de gens qu'elle avoit auparavant. Or, L. Munatius Plancus fut eleu chef pour conduyre ceste colonie, c'est à dire ces gens qu'on y envoyoit pour habiter, lequel Munatius estoit excellent ora- teur, et prêteur, qui avoit aussi este auditeur de M. Tulles Ciceron, comme Eusèbe le recite. Icelluy mesme Eusebe au livre intitule De la Raison des temps, raconte que lorsque Plancus estoit gouverneur de la Gaule, il feit bastir la ville de Lyon, comme aussi il fut conducteur dune autre colonie nommée Rauvique vers Basic, mais de cecy nous en parle- rons plus amplement quand nous serons venuz aux Suysses. Plutarcque rend bon tesmoignage de ceste colonie amenée a Lyon, disant ainsi : Là estmaintenantXyon, ville très renommée en la Gaule, laquelle longtemps après Plancus Munatius feit bastir, comme nous l'avons entendu. Ceste ville cy a eu des evesques scavans, et principalement es sainctes lettres, lesquelles ont eu grans accroissemens par eux. On a quelques escritz de plusieurs d'entreux, lesquelz montrent assez quels personnages c'estoyent. Les plus renommez ce sont Ireneus et Eucherius, qui obtenoyent la primauté en l'Eglise de Gaule, laquelle primauté estoit ordonnée a Lyon. Quant a Eucherius, combien qu'il fut d'un temps barbare et difficile, toutesfois il estoit si élégant en parolles, et avec ce si grave en sentences, qu'il surmontoit tous les autres evesques qui avoyent este devant luy, et qui estoyent de son temps. Fauste aussi poëte Lyonnois eut grand bruyt, autant que la condition difficile de son temps le pouvoit porter. »