page suivante »
S54 LETTRE AU DIRECTEUR. et octroyons que tous les ouuriers et ouurieres qui viendront demourer ou dit lieu de Lion pour faire exercer ledit ouuraige et artifficc de draps dor et de soye et autres dependans dicelluy, soient et demourent francs, quittes et exemps de toutes les tailles et imposts qui sont et porront estre mis sus, en laditte ville de Lion, de par iYous ou autrement, et aussi de iimpost de douze deniers par liure, de tous les draps dor et de soye qui seront faits, et de toute la soye qui y sera laitte et appareillée, et de lor qui sera mis en appareil, pour mettre en outre, dont ils ne au- cuns deulx ne paieront point dimposition pour la première vente quils en feront, mais seulement du huitième du vin vendu a détail et des autres denrées dont Us seront tenuz paier limposition, sils se mcslent dautres marchandises, et aussi voulons et oc- troyons quils soient francs et exemps de toultes aydes, entrées, yssùes et fres de ville quelconques et de guet et garde porte, et des choses dessus dittes les auons exemptes et affranchis, exemp- tons et affranchissons du tout et chacun deulx de grâce especial, par ces présentes, dyci a douze ans prochains venans, sans ce quils ne aucun deulx soient, ne puissent estre assis, imposes, ne eontraings a en paier aucune chose, pour quelque cause , ne en quelque manière que ce soit, durant le temps dessus dit, et se leurs corps ou aucuns de leurs biens estoient pour ce prins ou em- pechics. Nous voulons, ordonnons et mandons que incontinant et sans delay ils leur soient mis a pleync deliurance, sans procès et figure de jugement, et vous mandons et a chascun de vous, que les dessus dis et chascun deulx vous faisiez et souffriez joyr et user paisiblement de nos presens grâce, affranchissement et oetroy, et pour ce que ou pourra auoir affaire de ces présentes en plusieurs et[diuers lieux. Nous voulons que au vidimus dicelles fait sous scel royal, foy soit adioustee comme a loriginal et quelles soient re- gistres ou papiers de lauditoire de vous esleus, affin que aucun nen puisse prétendre cause dignorance. —• Donne a Orléans le xxiiij de nouembre lan de grâce mil cccc LXVI et de notre règne le sixiesme. Par le Roy, lEuesque dEurcux, les sires de la Forest et de Blois et autres presens. J. de la Loire.