page suivante »
*
334 LETTRES DU CONNÉTABLE
Notre Seigneur qui vous ait en sa sainte garde. Escript u
Poictiers le xxviije jour de juing (1425).
Les lettres dudit chancellier qui de présent n'est pas cy,
lui ferons avoir le plus tost que pourrons.
Signé : YOLANT.
Et plus bas : THOREAU.
DU VICAIRE DE L'ARCHEVÊQUE DE REIMS, CHANCELIER DE
FRANCE.
A mes chiers et grans amis les Conseillers, bourgois et
habitans de la ville de Lyon.
Chiers et grans amis, je me recommande a vous, affîn
que sachiez des nouvelles de pardeça et en vous respondant
à ce que avyez escript du partement du Président. Vous en
estes tous informez. Le Roy est en ceste ville, la Royne de
Secile et y a esté Charles, monseigneur de Rourbon, conte
de Clermont, monseigneur le Connestable, son frère, mes-
seigneurs de Vendosme et d'Harecourt, plusieurs prelas ,
barons et chevaliers. Et se y sont tenus grans conseils et
tant que la merci N.-S., tout est en tresbonne union. Et
demain se part d'icy mondit seigneur le Connestable pour
aller faire ses monstres a Saumur et de la en la frontière.
Dedans un mois les gens du Roy, de la royne de Secille, de
Monseigneur de Rretaigne seront devers Monseigneur de
Savoie pour le traictié de la paix et croy que je irai. Et de
présent le Roy et mondit seigneur le Connestable , envoient
de leurs gens devers mondit seigneur de Savoie, entretenir
la matière en attendant que soyons par-de là . Escripvez moi
de vos affaires envers le Roy et je y feray ce que je pourray.