page suivante »
ARTUR DE RICHEMONT. 333 La Royne de Secile, duchesse d'Anjou et de Touraine, contesse de Prouvence et du Maine. Tresreverend père en Dieu , treschiers et grans amis, nous avons receu par le porteur de cestes les lettres qu'avez escriptes a Monseigneur le Roy, Nous et le chancelier de France, dont mondit Seigneur à eues celles à lui escriptes , et de nôtres avons veu le contenu bien au long, et aussi le contenu de celles de mondit Seigneur par la copie d'icelles que nous avez envoyé, dont nous vous mercions. Et avons bien sceu et savons le très grant vouloir et bonne volenté qu'avez au bien de mondit Seigneur, de beau cousin le Con- nestable , de Nous et de ce royaulme et aussi à la paix d'icellui, dont vous savons tant bon gré qu'escripre le vous saurions. Quant est du Président et autres qui ont perturbé le bien de la paix, mondit Seigneur les a, par notre pourchaz et cellui dudit beau cousin, mis hors et séparez de sa com- paignie. Et depuis avons tant fait que, à l'aide de Dieu, les choses sont de présent en très bons termes. Et en brief doit cy venir le dit beau cousin le Connestable devers mondit seigneur pour confermer, conclure et appoincter du tout le fait de la dite pais et ensemble aviser pour pourveoir aux choses nécessaires au relèvement de ce royaume et union des seigneurs du sanc de mondit Seigneur, mettre sus justice et oster toutes roberies et pilleries. Et a ce faire nous em- ploirons du tout notre povoir comme tousjours avons fait et tant qu'au plaisir de Notre Seigneur vendrons à notre enten- cion. Tresreverend père en Dieu , treschiers et grans amis, nous vous prions que touzjours veuillez persévérer et con- tinuer a la bonne volenté qu'avez eue et avez au bien de monseigneur le Roy, de son royaume, de Nous et de la paix, en nous signifiant feablement se chose voulez que puissons, car volentiers et de bon cuer l'acomplirons au plaisir de