page suivante »
330 LETTRES DU CONNETABLE
puissance au bien de ladite paix et au recouvrement de la sei-
gneurie de Mondit Seigneur. Et pour ceste cause sommes
venu en ceste ville de Bourges aux gens d'église , bourgois
et habitans de laquelle, pource qu'elle est aujourduy l'une des
plus notables obéissant à Mondit Seigneur, avons exposé
nostre vouloir qui est de repeller et débouter le dit mauvais
trahaitre Président de Prouvence de la compaignie et con-
versation de Moadit Seigneur, a ce qu'il puisse estre en sa
franchise et liberté et que vous et aultres ses bons et loyaulx
subgez puissent soubs lui demeurer en bonne paix et trans-
quillité et mieulx vacquer à le conforter, secourir et aider
a la confusion de ses ennemis comme à la chose du monde
que plus desirons. Lesquelx gens d'église , bourgois et
habitans, acertenez des choses dessusdites, se sont adhérez
avecques nous , promis d'y tenir la main et de toute leur
puissance en ce nous aider et secourir. Et pource que sommes
acertenez de vos grans loyaultés et du bon vouloir que tous
jours avez eu au bien de Mondit Seigneur et que ceste ma-
tière touche grandement tous ses bons et loyaulx subgez,
escripvons devers vous en vous priant et requérant de par
Mondit Seigneur et nous, si chier que vous desirez son bien
et le vostre, que en cette matière semblablement vous vueillez
joindre et adhérer avecques nous, et en acquittant vos
loyaultez nous promettre d'y tenir la main et en ce nous
conseiller, secourir et aider de toute vostre puissance. Et
semblablement de vostre part vous promectons de bonne
foy et par le serment que nous avons à Dieu et à Mondit
seigneur le Roy, de vous secourir, aider et conforter, vivre
et mourir avecques vous et nous exposer de toute nostre
* puissance a mettre a exécution les choses dessus dites au
bien de Mondit Seigneur le Roy et de tous ses loyaulx
subgez.
Si nous faictes savoir sur ce par ce porteur vos entencions