page suivante »
264 ACTES CONSULAIRES. quel estoit planté un fanlosme tout armé tenant la lance au poing. Tout le dict chasteau estoit remply au dedans de fagotz et bûches en grande quantité, avec force paille et une infinité de fusées, tappereaulx et feuz artificielz s'entretenans l'ung à l'aultre fit environnans le dict chasteau. Là survindrent les arquebouziers de la dicte ville en très brave ecquipage, conduictz par leurs dictz cappitaine, lieutenant et enseigne, lesquelz après avoir faict une revue à l'cntour dudict chasteau se vindrent tous ronger par esquade en quatre bastillons qu'on avoit dressé devant le dict chasteau chaseun à l'endroit de ehesque courtine dudict chasteau et de niesme distance l'ung de l'autre. A l'entour dudict chasteau étoient affigez mains escripteaulx et huictains ento'urez et circuitz d'une coronne de lierre, que nous avons recueilliz et mys cy après. Après que les dictz harquebouziers furent posez en leurs bas- tillons, Messieurs les Eschevins de la dicte ville vindrent pré- senter la torche allumée à Monsieur le Gouverneur, pour mectre le feu audict chasteau, ce qu'il accepta et feist très voullentiers et eulx de compaignie. Estant le dict chasteau tout enflambé, les dictz arquebouziers faisoyent yssue de leurs bastillons, et à beaulx coups de arque- bouzes assailloyent le dict chasteau, ainsi et à la forme que le cappitaine Sainct Marc, sergent major des compaignies de la dicte ville, leur avoit ordonné et qui si est merveilleusement bien adressé les escadrons de soldatz comme estant très expert en tel affaire. Tous les tabours et fiffres, trompectes et clairons alors ne cessèrent de sonner à l'alarme, comme la citadelle de délascher et tirer coups d'artillerie, tandis que brusloit et fouldroyoit le dict chasteau. Et dura ce passe temps et plaisant feu de joyc long temps. S'ensuict les huictains et sonnetz qui estoient affigez autour dudict chasteau.